Ek stop by 'n huis, buite is 'n "baby safe", die bord buite lees : ABBA house. Die Here praat al lank met my oor die huis, die huis met sy hart en sy wees engeltjies. Ek en my man stop met die kar en maak die sleepwa oop. Die engel wat in die huis werk, *Mary, kom uit en begin ons help afdra en 'n glimlag straal oor haar gesig. Sy is so dankbaar oor al ons ou weggooi goed, speelgoed, klere, kussings... Elke bietjie help!
Na ons alles uitgelaai het vra ek vir Mary of ek maar kan gaan hello sê vir die wees babas in die huis.Dis my tweede ontmoeting met die klein engeltjies en toe ken my trane geen einde nie. Die tweeling boeties van 3 maande oud se mamma het nie genoeg geld vir nog twee kinders nie, sy het alreeds twee. Klein *Maleni kyk vir my met haar groot ogies terwyl ek vir haar bid en 'n regte baba glimlag pryk op haar gesiggie en haar ogies het hoop. Deur my trane gryp klein *Themba my vinger en wil nie laat gaan nie, ek se nog 'n gebed en streel sy klein koppie. "O Vader hou hom styf teen U bors vas, maak hom sterk!" Die een gebed na die ander dans by my lippe uit oor die klein engeltjies van ABBA house. My hartseer oorweldig my hart, en ek loop met 'n swaar hart terug na ons motor.
My trane rol en my hart is seer, maar *Mary glimlag met liefde en geluk terwyl sy die hek vir ons oopsluit. Sy is dan hulle mamma, sy is ryk geseen met baie babas. Maar haar gebed vir God gaan seker weer vanaand uit:" Vader stuur U mense om ons babas te kom aanneem en tuis te vat in 'n liefdevolle huis. 'n "Forever Family."
My vrae is baie en my hart is seer. Maar ek onthou die storie van die paar wat nie kon swanger raak nie. Die man praat met God en vra:" Vader, Vader, waarom wil U nie vir ons, ons eie kinders gee nie?" Hy se God het hom eenvoudig geantwoord:" Waarom wil jy nie een van my kinders he nie?" Die bevestiging was later weer daar. Kort daarna het hulle aansoek gedoen vir aanneming, en kort voor lank het God vir hulle een van Sy kinders gegee.
Ek kyk terug toe ons wegry by ABBA house, die "baby safe" in die muur in gebou en wonder hoe kan 'n mamma haar baba daar binne gaan neerle en weggee? En ek weet dat ABBA house, die "safe house" is met 'n engel soos *Mary en vele ander wat daar help. Die huis 'n tydelike stukkie hemel vir die wees engeltjies tot hulle nuwe mamma en pappa deur God gestuur is om hulle te kom haal...
From www.abbahouse.co.za :
Baby N came to us at 6 months old, weighing less than a builder’s brick! He and a little girl came in together and we worried about various medical conditions, but we got them both tested extensively and discovered that they were malnourished simply because they had not been given enough to eat!
His fingers were often all wrinkly because he sucked them so much. He was anxious and tense and his eyes seemed to have seen so much.
He was given special milk and lots of love and care and he thrived. He just grew and grew and became the uncrowned, undisputed king of ABBA House! He celebrated his first birthday with us, was adopted at 15 months and is well loved.
He is alive because people cared enough to give…
No comments:
Post a Comment